USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Keçmiş partiya liderinə 4 il 6 ay həbs cəzası verildi
Anar Əsədli Bakı Ağır Cinayətlər Məhkəməsinin hökmü ilə 4 il 6 ay müddətinə azadlıqdan məhrum edilib.
Mayın 22-də keçirilən məhkəmə prosesinə hakim Elnur Nuriyev sədrlik edib.
Fəaliyyəti dayandırılmış Azərbaycan Yüksəliş Partiyasının sabiq sədri olan Əsədli dələduzluq ittihamı ilə təqsirli bilinib.
İstintaq materiallarına əsasən, o, 4 nəfərə qarşı dələduzluqda ittiham olunur. Zərərçəkmişlər arasında Oqtay Qasımov və İlham Hüseynov da var.
Qeyd edək ki, Anar Əsədli 2023-cü ilin aprelində həbs edilmiş, iyul ayında ev dustaqlığına buraxılmışdı. Sonradan cinayət işinə xitam verilsə də, Baş Prokurorluq bu qərarı ləğv edərək işi yenidən istintaqa qaytarmışdı.
2025-ci ilin oktyabrında zərərçəkmişlərin vəsatəti əsasında o, yenidən həbs olunmuşdu.
Anar Əsədli ittihamları qəbul etmir və baş verənləri anlaşılmazlıq kimi qiymətləndirir.
