USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azad edilən ərazilərdə 29 kütləvi məzarlıq aşkarlanıb
Azərbaycanın işğaldan azad edilmiş ərazilərində 29 kütləvi məzarlıq aşkar edilib. Bu barədə məlumat Prezident İlham Əliyevin “İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda beynəlxalq konfransın iştirakçılarına müraciətində yer alıb.
Məzarlıqlardan tapılmış meyit qalıqları üzərində aparılan ekspertiza nəticələri erməni silahlı qüvvələri tərəfindən qətlə yetirilmiş azərbaycanlıların dəhşətli işgəncələrə məruz qaldığını təsdiqləyib.
“Bu, çox ağır mənzərədir. İnsanların kütləvi şəkildə, işgəncə ilə öldürülməsi, qeyri-insani qaydada basdırılması və cinayətin izlərinin itirilməsi beynəlxalq hüquq normalarının ciddi pozuntusudur,” – deyə dövlət başçısı vurğulayıb.
