USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İrandan Azərbaycana narkotik gətirməyə cəhd edən şəxslər saxlanılıb
Dövlət Sərhəd Xidmətinin Mətbuat Mərkəzindən verilən məlumata görə, sərhədin etibarlı mühafizəsi və narkotik vasitələrin qanunsuz dövriyyəsinə qarşı tədbirlər uğurla davam etdirilir.
Belə ki, Sərhəd Qoşunlarının “Lənkəran” sərhəd dəstəsi tərəfindən həyata keçirilmiş əməliyyat nəticəsində ümumi çəkisi 14,1 kiloqram olan narkotik vasitənin qaçaqmalçılıq yolu ilə ölkəyə keçirilməsinin qarşısı alınıb.
Əməliyyat birgə aparılıb: “Lənkəran” sərhəd dəstəsi və Daxili İşlər Nazirliyinin Astara Rayon Polis Şöbəsi əməkdaşları tərəfindən keçirilən tədbirdə, 99-PC-617 dövlət qeydiyyat nişanlı “BYD” avtomobili ilə hadisə yerindən uzaqlaşmağa cəhd göstərən Azərbaycan vətəndaşları Cəfərov Emin Cəfər oğlu və Rəhmətullayev Neman Arif oğlu şübhəli şəxs qismində saxlanılıblar.
Faktla bağlı əməliyyat-istintaq tədbirləri davam edir.
