USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda evdən 70 min manatlıq seyf oğurlandı – Şübhəli şəxs saxlanıldı
Paytaxtın Nizami rayonunda oğurluq hadisəsi baş verib. Zərərçəkən polisə müraciət edərək mənzilinə naməlum şəxsin daxil olduğunu və içərisində 70 min manat nağd pul, 8 min manatlıq qızıl-zinət əşyaları və şəxsi sənədlər olan seyfin oğurlandığını bildirib.
Nizami Rayon Polis İdarəsinin 24-cü Polis Şöbəsinin əməkdaşları tərəfindən həyata keçirilən əməliyyat-axtarış tədbirləri nəticəsində cinayəti törətməkdə şübhəli bilinən 26 yaşlı Məhəmməd Məcid müəyyən edilərək saxlanılıb.
Araşdırmalar zamanı məlum olub ki, şübhəli şəxs ev sahibinin mənzildə olmadığı vaxtdan istifadə edərək içəri daxil olub və seyfi götürüb. Hadisə zamanı onun gəliş-gedişi binanın təhlükəsizlik kameraları vasitəsilə qeydə alınıb.
Faktla bağlı Nizami Rayon Polis İdarəsində Cinayət Məcəlləsinin müvafiq maddəsi ilə cinayət işi başlanılıb, istintaq davam edir.
