USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda mağazada soyğunçuluq və “taksi” adı altında narkokuryerlik – Şübhəlilər saxlanılıb
Paytaxtın Binəqədi rayonunda soyğunçuluq və narkotiklərin qanunsuz dövriyyəsi ilə bağlı iki ayrı cinayət faktı qeydə alınıb.
Binəqədi RPİ 5-ci Polis Bölməsinə daxil olan məlumata görə, naməlum şəxs günün gündüz saatlarında mağazaya daxil olaraq zərərçəkənə məxsus 600 manat pul vəsaitini açıq talama yolu ilə ələ keçirib. Polis əməkdaşlarının həyata keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən, əvvəllər də talama cinayətlərinə görə məhkum edilən 37 yaşlı Faniz Səfərov saxlanılıb. Onun əldə etdiyi pulları saydığı an mağazanın təhlükəsizlik kameralarına düşüb.
Bölmə əməkdaşlarının keçirdiyi digər əməliyyat tədbiri zamanı isə narkotiklərin qanunsuz dövriyyəsində şübhəli bilinən 29 yaşlı Bəhruz Əliyev saxlanılıb. Onun idarə etdiyi avtomobilə baxış keçirilərkən 1 kiloqramdan artıq marixuana və metamfetamin aşkarlanıb.
İlkin ifadəsində Bəhruz Əliyev taksi sürücüsü kimi fəaliyyət göstərirmiş kimi davranaraq narkotik vasitələri şəxsiyyəti dəqiqləşdirilən İran vətəndaşından Binəqədi rayonundakı yanacaqdoldurma məntəqələrindən birində təhvil aldığını, daha sonra onları çoxsaylı bükümlərə ayıraraq satmağı planlaşdırdığını bildirib.
Hər iki fakt üzrə araşdırmalar davam etdirilir.
