USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukrayna Prezident Administrasiyasının rəhbəri Andrey Yermakın evində axtarış aparılıb
Ukrayna Prezident Administrasiyasının rəhbəri Andrey Yermakın evində və ofisində axtarış aparılıb. Məlumatı ölkənin antikorrupsiya qurumları – NABU (Ukrayna Milli Antikorrupsiya Bürosu) və SAP (Xüsusi Antikorrupsiya Prokurorluğu) təsdiqləyib.
Axtarışlar 28 noyabr səhər saatlarından hökumət kvartalı ərazisində Yermakın ofisində başlayıb. Qurumların açıqlamasına görə, istintaq hərəkətləri məhkəmə qərarı ilə sanksiyalaşdırılıb və davam edən araşdırmanın tərkib hissəsidir. Lakin NABU istintaqın hansı konkret iş üzrə aparıldığını açıqlamayıb və əlavə məlumatın daha sonra veriləcəyini bildirib.
Xatırladaq ki, noyabrın əvvəlində NABU enerji sektorunda böyük məbləğdə vəsaitlərin mənimsənilməsi ilə əlaqəli korrupsiya sxeminin ifşa olunduğunu bildirmişdi. Həmin araşdırma çərçivəsində sabiq ədliyyə naziri də daxil olmaqla, enerji sahəsi ilə bağlı bir sıra yüksək vəzifəli şəxslərin və biznes nümayəndələrinin ünvanlarında axtarışlar aparılmışdı. Onlardan bəzilərinin istintaqa qədər ölkəni tərk etdiyi qeyd olunurdu.
Andrey Yermak da öz növbəsində evində axtarış aparılması ilə bağlı xəbəri təsdiqləyib.
