USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanda tonlarla yanacağı mənimsəyən vəzifəli şəxslər həbs edildi
Azərbaycanda dövlət qurumunda külli miqdarda yanacağın mənimsənilməsi faktı ilə bağlı cinayət işi üzrə iki nəfər həbs olunub.
Məlumata görə, “Azərbaycan Dəmir Yolları” QSC-də Yanacaq və Enerji Resurslarının İdarə Edilməsi Departamentinin İmişli təminat məntəqəsinin rəisi Eldəniz Sadıqov və ADY-nin İnfrastruktur Departamentinin Qatarların İdarə Edilməsi Xidmətinin İmişli lokomotivlərinin idarə edilməsi sahəsinin magistral üzrə teplovoz maşinisti Famil Soltanov hüquq-mühafizə orqanları tərəfindən saxlanılaraq barələrində həbs qətimkan tədbiri seçilib.
İlkin istintaq materiallarına əsasən, adıçəkilən şəxslər xidməti vəzifələrindən sui-istifadə edərək tonlarla yanacağı mənimsəməkdə şübhəli bilinir. Faktla bağlı aparılan araşdırmalar zamanı dövlətə ciddi maddi ziyan dəydiyi bildirilir.
Hazırda cinayət işi üzrə istintaq davam etdirilir, mənimsənilən yanacağın həcminin və dəymiş ziyanın dəqiq məbləğinin müəyyənləşdirilməsi istiqamətində tədbirlər görülür.
Rəsmi qurumlar tərəfindən məsələ ilə bağlı əlavə məlumatın veriləcəyi gözlənilir.
