USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Vilayət Eyvazov Qazaxda vətəndaş qəbulu keçirib
Azərbaycan Prezidenti İlham Əliyevin tapşırığına və bölgələr üzrə vətəndaş qəbulu cədvəlinə uyğun olaraq daxili işlər naziri Vilayət Eyvazov iyunun 3-4-də Qazax rayonunda vətəndaşları qəbul edib.
Nazir qəbuldan əvvəl Heydər Əliyevin Qazax şəhərindəki abidəsini ziyarət edərək xatirəsini ehtiramla yad edib.
Qazax Rayon Polis Şöbəsinin inzibati binasında keçirilən qəbulda Qazax, Ağstafa, Tovuz, Şəmkir, Gədəbəy rayonları və digər bölgələrdən gələn ümumilikdə 211 vətəndaşın müraciətləri dinlənilib.
Müraciətlərin operativ araşdırılması və qanunvericiliyin tələblərinə uyğun həlli məqsədilə Azərbaycan Respublikasının Daxili İşlər Nazirliyinin aidiyyəti struktur bölmələrinin rəhbərlərinə müvafiq tapşırıqlar verilib. Bildirilib ki, müraciətlərin böyük hissəsi yerində həll olunub, digər məsələlər isə nəzarətə götürülüb.
Səfər çərçivəsində general-polkovnik Vilayət Eyvazov DİN-in Daxili Qoşunlarının Ağstafa rayonunda yerləşən hərbi hissəsində polis və daxili qoşunlarda xidmət etmək istəyən gənclərin sıra baxışını da keçirib.
Yoxlamanın nəticələrinə əsasən, xidmətə qəbul şərtlərinə cavab verən 238 namizəd seçim mərhələsinin növbəti turuna buraxılıb.
