USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sahil Babayev: Dövlət maliyyəsinin rəqəmsallaşdırılması istiqamətində mühüm addımlar atılıb
2025-ci ildə maliyyə sektorunda həyata keçirilən islahatlar dövlət maliyyəsinin idarə olunmasında şəffaflığın və səmərəliliyin artırılmasına yönəlib.
Bu fikirləri maliyyə naziri Sahil Babayev Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2025-ci il dövlət büdcəsinin icrasına dair illik hesabat”ın müzakirəsi zamanı səsləndirib.
Nazirin sözlərinə görə, ötən il maliyyə sahəsində müxtəlif istiqamətlər üzrə mühüm islahatlar həyata keçirilib. Bu çərçivədə rəqəmsal dövlət maliyyəsi informasiya sistemi yaradılıb və büdcə xərclərinə xəzinə müşahidəsi mexanizmləri daha da gücləndirilib.
Sahil Babayev bildirib ki, dövlət müəssisələrinin dividend siyasəti də müəyyənləşdirilib. Eyni zamanda, büdcə xərclərinin planlaşdırılması və icrası ilə bağlı normativ bazanın təkmilləşdirilməsi istiqamətində ardıcıl addımlar atılıb.
Nazir qeyd edib ki, həyata keçirilən tədbirlər dövlət vəsaitlərinin daha səmərəli idarə olunmasına və maliyyə intizamının möhkəmləndirilməsinə xidmət edir.
