USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiyada Azərbaycan vətəndaşı terror aktı hazırlamaqda ittiham olunaraq saxlanılıb
Rusiya Federal Təhlükəsizlik Xidməti (FTX) Stavropol diyarında Azərbaycan vətəndaşının saxlanıldığını açıqlayıb. “TASS” dövlət agentliyinin məlumatına görə, ona qarşı terror aktı hazırlama ittihamı irəli sürülüb.
FTX bildirir ki, saxlanılan şəxs Rusiyada qadağan edilmiş “terrorçu təşkilata” qoşulub və rəhbərlikdən aldığı tapşırıq əsasında Yessentukidə və Stavropolda hücum planlaşdırılan obyektlər barədə kəşfiyyat aparıb. İddialara əsasən, həmin obyektlər sırasında hüquq-mühafizə orqanlarının inzibati binaları və nəqliyyat infrastrukturunun bəzi hissələri olub.
Xidmətin məlumatına görə, saxlanılan şəxs partlayıcı qurğuların hazırlanması üçün lazım olan komponentləri əldə edərək gizli şəkildə saxlayıb və bir neçə partlayıcı qurğu düzəltməyi planlaşdırıb. FTX həmçinin onun əvvəllər Azərbaycan Silahlı Qüvvələrinin xüsusi təyinatlı bölmələrində xidmət etdiyini və hərbi təcrübəsini hücum hazırlığında istifadə etməyi planlaşdırdığını iddia edir.
Rusiya xüsusi xidmət orqanı həmin şəxsin Ukrayna tərəfi ilə əməkdaşlıq etdiyini də irəli sürüb.
Azərbaycanın rəsmi qurumları isə məsələ ilə bağlı hələlik açıqlama verməyib.
