USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrail Qreta Tunberqi yenidən saxlayıb
Qəzza sakinləri üçün beynəlxalq yardım təşəbbüsü olan Qlobal Sumud Flotilliyasının (QSF) 16 gəmisi İsrail ordusu tərəfindən saxlanılıb. Saxlanılan heyət arasında isveçli iqlim fəalı Qreta Tunberq də var.
İsrail Xarici İşlər Nazirliyi bildirib ki, Tunberq və digər üzvlər təhlükəsizdir və İsrail limanına aparılıblar. Nazirlik həmçinin gəmilərin Qəzzaya humanitar yardımı İsrail vasitəsilə çatdırmaq təklifini geri çevirdiklərini qeyd edib.
QSF isə müdaxiləni “silahsız humanitar fəallara qarşı qanunsuz hücum” adlandırıb və beynəlxalq ictimaiyyəti saxlanılanların dərhal azad olunması üçün çağırıb. Hazırda flotilliyanın 20-dən çox gəmisi Qəzzaya doğru hərəkət edir.
QSF-nin heyətində 40-dan çox gəmi və 500-dən çox üzv var, onların arasında siyasətçilər, insan hüquqları fəalları və jurnalistlər də yer alır.
