USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Elçin Alıoğluna qarşı sui-qəsd cəhdi ilə bağlı məhkəmə başlayıb
Bakı Ağır Cinayətlər Məhkəməsində “Trend” Beynəlxalq İnformasiya Agentliyinin direktor müavini, “Baku Network” analitik platformasının rəhbəri, tanınmış siyasi şərhçi və beynəlxalq təhlükəsizlik üzrə ekspert Elçin Alıoğluna qarşı sui-qəsd cəhdi ilə bağlı cinayət işi üzrə məhkəmə prosesi başlanıb.
Məhkəməyə Azərbaycan Respublikası Cinayət Məcəlləsinin 28-ci (cinayətə cəhd) və 277-ci (dövlət və ya ictimai xadimin həyatına sui-qəsd) maddələri ilə Sarıcanov Abülfəzl Azər oğlu barəsində cinayət işi təqdim edilib.
İstintaqın məlumatına görə, təqsirləndirilən şəxs Elçin Alıoğluna qarşı hücumu əvvəlcədən planlaşdırıb, cinayətin vaxtı və detallarını diqqətlə müəyyənləşdirib.
Bu gün hakim Səbinə Məmmədzadənin sədrliyi, hakimlər Eldar İsmayılov və Sabir Hüseynovun iştirakı ilə keçirilən hazırlıq iclasında tərəflərin mövqeləri dəqiqləşdirilib, işin gələcək baxış qaydası müəyyən olunub.
