USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lənkəranda kütləvi dava olub — saxlanılanlar var
Lənkəran şəhərində bir qrup şəxs sərxoş vəziyyətdə şəxsi zəmində xuliqanlıq hərəkətləri törədərək iki nəfəri döyüb.
Hadisə oktyabrın 28-də gecə saatlarında baş verib. Məlumata görə, Hirkan qəsəbə sakini, 1993-cü il təvəllüdlü Alim Şükürzadə Lənkəran şəhər sakini, 1996-cı il təvəllüdlü Cəbrayıl Şirməmmədovu zorla avtomobilə əyləşdirərək Sütəmurdov kəndinə aparıb.
Orada A. Şükürzadə dostları — 1989-cu il təvəllüdlü Elvin Quluzadə və 1990-cı il təvəllüdlü Elşad Məmmədovla birlikdə C. Şirməmmədovu döyərək ona xəsarət yetiriblər. Daha sonra hadisə yerinə gəlmiş C. Şirməmmədovun 1995-ci il təvəllüdlü dostu da A. Şükürzadə tərəfindən döyülüb.
Polis əməkdaşları tərəfindən A. Şükürzadə, E. Məmmədov və E. Quluzadə saxlanılıblar. Məlum olub ki, onlar hadisə zamanı sərxoş vəziyyətdə olublar.
Qeyd edək ki, saxlanılan şəxslərin hər üçü İkinci Qarabağ müharibəsi iştirakçısıdır.
Faktla bağlı Cinayət Məcəlləsinin müvafiq maddələri ilə cinayət işi başlanıb, istintaq davam etdirilir.
