USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qazaxıstanın Türküstan vilayətində ağır yanğın – 12 nəfər həlak olub
Qazaxıstanın Türküstan vilayətində yerləşən Alqabas kəndində ikimərtəbəli fərdi yaşayış evində baş vermiş yanğın böyük faciəyə səbəb olub. Regional Fövqəladə Hallar İdarəsinin məlumatına görə, yanğın nəticəsində 9-u uşaq olmaqla 12 nəfər həyatını itirib.
Məlumata əsasən, hadisə yerinə cəlb olunan yanğınsöndürənlər evdən huşsuz vəziyyətdə olan 3 nəfəri çıxararaq təcili tibbi yardım briqadasına təhvil veriblər. Lakin evin içərisində qalan digər şəxslərin həyatını xilas etmək mümkün olmayıb.
Yanğının səbəblərinin müəyyən edilməsi üçün araşdırmalara başlanılıb.
Qazaxıstan Prezidenti Kasım-Jomart Tokayev faciə ilə bağlı başsağlığı verib və hökumətə, həmçinin Türküstan vilayət administrasiyasının rəhbərliyinə həlak olanların ailələrinə bütün lazımi dəstəyin göstərilməsi, eləcə də yanğının səbəblərinin dərindən araşdırılması tapşırılıb.
