USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Laricaninin qızı ABŞ universitetindən uzaqlaşdırılıb
ABŞ-nin Corciya ştatında yerləşən Emori Universiteti İranın Ali Milli Təhlükəsizlik Şurasının katibi Əli Laricaninin qızı Fatimə Ərdəşir Laricaninin universitetdən uzaqlaşdırıldığını təsdiqləyib.
Bu barədə “Azad İran” “Telegram” kanalı məlumat yayıb.
Universitet rəhbərliyinin açıqlamasına görə, qərar artan siyasi təzyiqlər, ictimai etirazlar və ABŞ rəsmilərinin narazılığı fonunda qəbul edilib. Qeyd olunur ki, Fatimə Laricani Emori Universitetinin Hematologiya və Tibbi Onkologiya kafedrasında dosent vəzifəsində çalışıb. Hazırda onunla bağlı bütün məlumatlar universitetin rəsmi internet səhifəsindən silinib.
Emori Universiteti Fatimə Laricaninin işdən çıxarılmasının ötən həftə ABŞ tərəfindən atası Əli Laricaniyə qarşı tətbiq edilən sanksiyalarla birbaşa əlaqəli olub-olmadığını açıqlamayıb.
Məsələ ilə bağlı nə Laricani ailəsi, nə də İran rəsmiləri tərəfindən hələlik rəsmi mövqe bildirilməyib.
