USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ərəstun Orucluya qiyabi 8 il həbs cəzası verilib
ABŞ-də yaşayan siyasi şərhçi Ərəstun Orucluya qiyabi olaraq 8 il müddətinə azadlıqdan məhrumetmə cəzası verilib.
APA-nın xəbərinə görə, fevralın 19-da Bakı Ağır Cinayətlər Məhkəməsində hakim Babək Pənahovun sədrliyi ilə keçirilən prosesdə qiyabi hökm elan olunub.
Ərəstun Oruclu Azərbaycan Respublikası Cinayət Məcəlləsinin 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılığa çağırışlar) və 281.2-ci (dövlət əleyhinə yönələn açıq çağırışlar) maddələri ilə təqsirləndirilib.
Cinayət işinin materiallarında iddia olunur ki, o, 2023–2024-cü illərdə “YouTube” platformasında Azərbaycanda qanuni əsaslarla formalaşmış və fəaliyyət göstərən mövcud hakimiyyətə qarşı zor tətbiqinə çağırışlar edib.
Məlumata görə, Azərbaycan hakimiyyəti 2025-ci ildə xaricdə yaşayan 24 tənqidçiyə qarşı cinayət işləri açıb. Onların bir qismi barədə yerli məhkəmələr tərəfindən artıq qiyabi hökmlər çıxarılıb.
Qeyd edək ki, Avropa Parlamenti dekabrın 18-də qəbul etdiyi qətnamədə Azərbaycana qarşı sanksiyalara çağırış edib və hakimiyyətin siyasi motivlərlə tənqidçilərə qarşı cinayət işləri açdığını bildirib.
