USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Uşaqlara qarşı zorakılıq gizlədilərsə – cərimə tətbiq olunacaq
İlham Əliyevin təsdiqlədiyi dəyişikliklərlə İnzibati Xətalar Məcəlləsinə yeni maddələr əlavə edilib.
Yeni 189-4-cü maddəyə əsasən, uşaqda zorakılıq əlamətləri aşkar edildiyi halda bu barədə məlumatın aidiyyəti qurumlara bildirilməməsi inzibati məsuliyyət yaradır. Bu halda:
* fiziki şəxslər 200–300 manat,
* vəzifəli şəxslər isə 400–600 manat məbləğində cərimə ediləcək.
Qanun valideynlərə, onları əvəz edən şəxslərə, həmçinin təhsil, tibb, sosial xidmət, idman, mədəniyyət, istirahət və penitensiar müəssisələrin əməkdaşlarına şamil olunur.
Yeni əlavə edilən 189-5-ci maddəyə görə isə həmin müəssisələrdə uşaqlara qarşı zorakılığın, o cümlədən uşaqlar arasında davamlı təzyiq və aqressiv davranışın qarşısı alınmadıqda:
* fiziki şəxslər 300–400 manat,
* vəzifəli şəxslər 500–600 manat məbləğində cərimə olunacaq.
Dəyişikliklər uşaqların hüquqlarının daha effektiv qorunmasına yönəlib.
