USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda otaq yoldaşını bıçaqlayan şəxsə hökm oxundu
Bakuda kirayədə qaldığı otaq yoldaşını öldürməyə cəhddə təqsirləndirilən İbrahim Əliyevin məhkəməsi başa çatıb.
Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən prosesdə hökm elan olunub. Qərara əsasən, İbrahim Əliyev 7 il 10 ay 15 gün müddətinə azadlıqdan məhrum edilib.
Dövlət ittihamçısı Elvin Mirzəyev çıxışında məhkəməyə eyni müddətdə cəza təyin olunmasını təklif etmişdi.
İstintaq materiallarına görə, hadisə tərəflər arasında yaranan mübahisə zəminində baş verib. İbrahim Əliyevin otaq yoldaşı Cəfər Vəliyev ilə əvvəlcə idman alətləri ilə bağlı mübahisəsi yaranıb. Daha sonra tərəflər arasında səs-küy üstündə gərginlik artıb.
Bildirilir ki, mübahisə zamanı zərərçəkmiş şəxsin fiziki müdaxiləsindən sonra İbrahim Əliyev ona çoxsaylı — ümumilikdə 16 bıçaq zərbəsi endirib.
Təqsirləndirilən şəxsə Azərbaycan Cinayət Məcəlləsinin 29 və 120.1-ci (qəsdən adam öldürməyə cəhd) maddələri ilə ittiham irəli sürülmüşdü.
Qeyd edək ki, İbrahim Əliyev bundan əvvəl də eyni məcəllənin 126.1-ci maddəsi (qəsdən sağlamlığa ağır zərər vurma) ilə məhkum olunub.
