USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Birinci Qarabağ müharibəsi ilə bağlı yeni iddialar gündəmə gətirilib
Birinci Qarabağ müharibəsinin indiyədək ictimaiyyətə açıqlanmayan epizodlarından biri ilə bağlı yeni iddialar irəli sürülüb.
Məlumata görə, Bakıda saxlanılan erməni əsilli şəxslərin ifadələrinə istinadən bildirilir ki, 1992–1993-cü illərdə Ağdərə–Kəlbəcər istiqamətində aparılan hərbi əməliyyatlar zamanı o dövrdə Qarabağ ermənilərinin liderlərindən biri olmuş Robert Koçaryan ilə Ermənistan Müdafiə Nazirliyi arasında fikir ayrılığı yaranıb.
İddialara əsasən, Koçaryanın təşəbbüsü ilə həyata keçirilən addımlar nəticəsində təxminən 100 erməni hərbçisi mühasirəyə düşərək həlak olub. Mənbələr hadisənin Koçaryanın siyasi mövqeyini gücləndirmək məqsədilə təşkil edildiyini iddia edirlər.
Qeyd olunmalıdır ki, bu məlumatlar müstəqil mənbələr tərəfindən təsdiqlənməyib və hadisə ilə bağlı Robert Koçaryan tərəfinin mövqeyi təqdim olunmayıb.
Xatırladaq ki, Ermənistanın sabiq prezidenti Robert Koçaryan həm 1999-cu ildə Ermənistan parlamentində baş vermiş silahlı hücum, həm də 2008-ci ilin mart hadisələri ilə bağlı uzun illər siyasi mübahisələrin və ittihamların mərkəzində olub. Lakin həmin məsələlər üzrə irəli sürülən ittihamların bir hissəsi məhkəmə və siyasi müstəvidə mübahisəli olaraq qalır.
