Qarabağ FKın futbolçusu Sami Mmaein əvəzedici heyətə göndərilməsinin detalları məlum olub.

Baş məşqçi Qurban Qurbanovun açıqlamasına görə, müdafiəçi klubun nizam-intizam kodeksini pozub. Hadisə UEFA Çempionlar Liqasının pley-off mərhələsində İngiltərənin Newcastle United klubuna 1:6 hesablı məğlubiyyətlə nəticələnən oyunda baş verib.

Matçın 22-ci dəqiqəsində Bəhlul Mustafazadə zədələnərək meydanı tərk edib. Eyni mövqedə çıxış edən Sami Mmae oyuna daxil olacağını gözləsə də, baş məşqçi fərqli qərar verərək sağ cinah müdafiəçisi Dani Boltu meydana buraxıb. Həmin anda cinahda oynayan Mateusz Silva isə mərkəz müdafiəsinə çəkilib.

Fasilə zamanı rəqibin yüksək təzyiqini nəzərə alan Qurban Qurbanov üçüncü mərkəz müdafiəçisini oyuna daxil etmək qərarına gəlib və Sami Mmaeyə hazırlaşmağı tapşırıb. Lakin futbolçu ilk hissədə şans verilmədiyi üçün meydana çıxmaq istəmədiyini bildirib. Onun məşqçilər heyəti, o cümlədən köməkçi məşqçi Elçin Rəhmanovla mübahisə etdiyi qeyd olunur. Nəticədə ikinci hissənin əvvəlində meydana Bədavi Hüseynov buraxılıb.

Qarşılaşmadan sonra Sami Mmaeyə əvəzedici komandaya göndərildiyi bildirilib və o, əsas heyətdən uzaqlaşdırılıb. Böyük ehtimalla futbolçu yay transfer pəncərəsində müqavilə ilə məxsus olduğu Xorvatiyanın Dinamo Zagreb klubuna qayıdacaq.