USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
10 min sakinin istifadə etdiyi yol yararsız vəziyyətə düşüb
Ağsu-Bico-Çöl Göylər avtomobil yolunun 7, 8 və 14-cü kilometrlik hissələrində asfalt örtüyünün dağılması hərəkətin təşkilində ciddi problemlər yaradıb.
Sözügedən yol 10-dan çox kəndin təxminən 10 min sakininin istifadə etdiyi əsas nəqliyyat marşrutlarından biri hesab olunur və Şamaxı ilə Ağsu rayonlarını birləşdirən alternativ yollar arasında yer alır.
Sakinlər vəziyyətlə bağlı narazılıqlarını bildirib. Onların sözlərinə görə, yolun yararsız vəziyyətdə olması həm vaxt itkisinə, həm də avtomobillərin tez sıradan çıxmasına səbəb olur.
“Hər gün bu yoldan istifadə edirik, əziyyət çəkirik. Ehtiyat hissələri çox bahadır, təmir xərclərini qarşılamaq çətindir. Təcili yardım və digər nəqliyyat vasitələrinin hərəkətində də ciddi çətinliklər yaranır, dəfələrlə qəzalar olub”, – deyə sakinlərdən biri bildirib.
Məsələ ilə bağlı Ağsu rayonu 16 №-li Yol İstismarı MMC-dən bildirilib ki, yolun layihə sənədləri artıq hazırlanıb. Sənədlər təsdiqləndikdən sonra əsaslı yenidənqurma və bərpa işlərinin görülməsi nəzərdə tutulur.
