USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Salyanda məktəbdə tüstüdən zəhərlənən şagirdlər və işçilər evə buraxılıb
Salyan rayonunun Aşağı Noxudlu kənd tam orta məktəbində baş vermiş tüstülənmə hadisəsi nəticəsində xəstəxanaya aparılan şagirdlər və texniki işçilər artıq evə buraxılıblar. Bu barədə məlumatı Məktəbəqədər və Ümumi Təhsil üzrə Dövlət Agentliyi (MÜTDA) yayıb.
Agentlik bildirib ki, Şirvan-Salyan Regional Təhsil İdarəsinin nümayəndələri xəstəxanaya yerləşdirilən şəxslərə baş çəkib və onların vəziyyəti ilə maraqlanıblar. Məlumata görə, gün ərzində tüstüdən zəhərlənmə şübhəsi ilə tibb müəssisəsinə müraciət edən bütün şəxslərin vəziyyəti stabildir.
Hadisənin səbəbləri müvafiq qurumlar tərəfindən araşdırılır.
Hadisə necə baş verib? — Rəsmi açıqlama
Şirvan-Salyan Regional Təhsil İdarəsi bildirib ki, tüstülənməyə məktəbdəki pelet sobasının tıxanması səbəb olub. Məktəbdə əvvəlcədən görülmüş yanğın təhlükəsizliyi tədbirləri sayəsində tüstünün yayılmasının qarşısı alınıb, şagirdlər və müəllimlər təxliyyə planına uyğun olaraq təhlükəsiz əraziyə çıxarılıblar.
Məlumata görə:
• 10 şagird
• 2 texniki işçi
özünü pis hiss edərək təcili tibbi yardıma müraciət edib.
Hazırda aidiyyəti qurumlar tərəfindən araşdırma aparılır və tədris prosesinin fasiləsiz davam etməsi üçün zəruri tədbirlər görülür.
