USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AZAL Gəncə–Sankt-Peterburq reyslərini yenidən istifadəyə verib
AZAL Gəncə–Sankt-Peterburq–Gəncə marşrutu üzrə mövsümi uçuşları bərpa edib.
Aviaşirkətin yaydığı məlumata görə, ilk reys Gəncədən Bakı vaxtı ilə saat 16:20-də Sankt-Peterburq istiqamətinə yola düşüb.
Bildirilib ki, uçuşlar həftədə bir dəfə – şənbə günləri həyata keçiriləcək.
AZAL-dan qeyd edilib ki, bu marşrut üzrə son uçuşlar 2025-ci ilin yay mövsümünün sonunda yerinə yetirilmişdi. Reyslərin yenidən bərpası yay turizm mövsümünün başlanması və sərnişin tələbatının artması ilə əlaqədardır.
Yeni reyslər Gəncə sakinlərinin və regiondan səyahət edən sərnişinlərin Rusiyanın ən böyük şəhərlərindən biri olan Sankt-Peterburqa birbaşa hava nəqliyyatı ilə çıxış imkanlarını genişləndirəcək.
