USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bu fikirləri Milli Məclisin deputatı, iqtisadçı Vüqar Bayramov səsləndirib.
Vüqar Bayramov: Zəngəzur dəhlizinin reallaşması zaman məsələsidir
Zəngəzur dəhlizinin istifadəyə verilməsi regionun nəqliyyat və logistika xəritəsini dəyişdirəcək strateji layihələrdən biridir.
Deputat xatırladıb ki, Azərbaycan Prezidenti Ilham Aliyev Bakı Enerji Həftəsinin açılış mərasimində çıxışı zamanı Zəngəzur dəhlizinin mütləq reallaşacağını vurğulayıb. Onun sözlərinə görə, dövlət başçısı Vətən müharibəsində qazanılmış Zəfərdən sonra dəfələrlə Azərbaycanın əsas hissəsi ilə Naxçıvan arasında maneəsiz quru əlaqəsinin təmin edilməsinin vacibliyini bəyan edib.
Vüqar Bayramov qeyd edib ki, dəhlizin Azərbaycan ərazisindən keçən hissəsində işlər artıq yekunlaşmaq üzrədir. Ermənistan ərazisindən keçən hissənin isə cəmi 40 kilometr təşkil etməsi layihənin qısa müddətdə tamamlanması üçün əlverişli imkan yaradır.
Deputatın sözlərinə görə, illik 15 milyon ton yükötürmə qabiliyyətinə malik olacaq Zəngəzur dəhlizi regionun iqtisadi inkişafına ciddi töhfə verəcək. O bildirib ki, layihə gələcəkdə Trans-Caspian International Transport Route marşrutunun mühüm hissəsinə çevriləcək və Azərbaycanın geosiyasi mövqeyini daha da gücləndirəcək.
Bayramov əlavə edib ki, Türkiyənin nəqliyyat qurumlarının qiymətləndirmələrinə əsasən, dəhlizin 2030-cu ilədək istifadəyə verilməsi gözlənilir. Bu marşrut vasitəsilə Çindən Avropaya daşınan yüklərin çatdırılma müddətinin əhəmiyyətli dərəcədə azalacağı, həmçinin uzunmüddətli perspektivdə milyardlarla dollar iqtisadi gəlir və on minlərlə yeni iş yerinin yaradılacağı proqnozlaşdırılır.
