USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrailin hücumu nəticəsində İranın yüksək rütbəli generalı Əli Şadmani öldürüldü
İsrailin son hərbi hücumu nəticəsində İranın ali rəhbəri Ayətullah Əli Xameneinin Hərbi Qərargahının rəisi, general-mayor Əli Şadmani məhv edilib.
Məlumata görə, general Şadmani həmçinin Silahlı Qüvvələrin Fövqəladə Hallar Komandanlığının rəhbəri kimi fəaliyyət göstərib. O, İslam İnqilabı Keşikçiləri Korpusu (SEPAH) və İran Silahlı Qüvvələrinin müxtəlif bölmələrində yüksək komanda vəzifələrində çalışıb.
Qeyd edək ki, Şadmani bu vəzifəyə cəmi bir neçə gün əvvəl – iyunun 13-də şəxsən Ayətullah Əli Xamenei tərəfindən təyin olunmuşdu.
Onun ölümünün təsdiqlənməsi Yaxın Şərqdə onsuz da gərgin olan vəziyyəti daha da alovlandıra bilər. İsrail tərəfi hücumla bağlı rəsmi açıqlama verməsə də, hadisənin İranın hərbi rəhbərliyinə yönəlmiş növbəti hədəfli zərbə olduğu bildirilir.
Analitiklər bu insidenti bölgədə strateji balansı dəyişə biləcək önəmli hadisə kimi qiymətləndirirlər. İranın cavab reaksiyasının necə olacağı isə yaxın günlərdə daha da aydınlaşacaq.
